چین پاکستان ہاؤسنگ انڈسٹریلائزیشن اور آفات کے بعد تعمیر نو کے منصوبے پر دستخط کر دئیے گئے ۔اس کا مقصد پاکستان میں اب تک کے بدترین سیلاب جس سے پاکستان میں تقریباً 33 ملین افراد بے گھر ہوگئے ا ن متاثرہ افراد کی مدد کرنا ہے۔ اعزازی سرمایہ کاری قونصلر جیان فلپس نے تقریب سے خطاب کرتے ہوئے کہا کہ اس آفت کے پیش نظر جس سے پاکستانی عوام کو بھاری نقصان اٹھانا پڑا اور آفات کے بعد تعمیر نو کی فوری اور اہمیت کے پیش نظر چائنہ پاکستان انٹرنیشنل سلک روڈ انڈسٹری انویسٹمنٹ مینجمنٹ کمپنی لمیٹڈ اور پاکستان گین انٹرنیشنل گروپ کمپنی لمیٹڈ پاکستان کی ہاؤسنگ انڈسٹریلائزیشن اور آفات کے بعد کی تعمیر نو میں تعاون کے خواہاں ہیں۔
انہوں نے کہا کہ ایک طرف چین کے بلڈنگ میٹریل کی برآمد کے ذریعے پاکستان بتدریج ایک مکمل بلڈنگ میٹریل انڈسٹری تشکیل دے گا اور شہری جدیدکاری کو عملی جامہ پہنائے گا۔ دوسری جانب پاکستان سماجی استحکام کو یقینی بنانے کیلئے صنعتی تعاون کے ذریعے سیلاب زدہ علاقوں اور غریب علاقوں میں لوگوں کو سستی رہائش فراہم کرتا ہے۔ انہوں نے کہا کہ ہمیں یقین ہے کہ چین پاکستان انٹرنیشنل سلک روڈ انڈسٹری انویسٹمنٹ مینجمنٹ کمپنی لمیٹڈ اور پاکستان بین الاقوامی گروپ کمپنی لمیٹڈ کے درمیان قریبی تعاون کے ذریعے پاکستان کا ہاؤسنگ انڈسٹریلائزیشن منصوبہ سی پیک کا ایک معیار ثابت ہوگا اور پاکستانی عوام کو زیادہ ملازمتیں فراہم کرے گا اور زیادہ سے زیادہ لوگوں کو بہتر زندگی سے لطف اندوز ہونے دے گا۔
