چین اور پاکستان نے سی پیک پر کام کی رفتار کو تیز کرنے پر اتفاق کیا ہے جبکہ سی پیک کی 10 سالہ تقریبات کے تحت اسلام آباد میں 2 روزہ بین الاقوامی کانفرنس کے انعقاد کا بھی فیصلہ کیا گیا ہے۔ وفاقی وزیر منصوبہ بندی احسن اقبال کی چینی ناظم الامور پانگ چنگشوئی سے ملاقات ہوئی جس میں سی پیک منصوبوں پر کام کا جائزہ لیا گیا۔وزارت منصوبہ بندی و ترقی کی جانب سے جاری اعلامیہ کے مطابق چین، پاکستان اقتصادی راہداری کے منصوبوں کو مزید تیز کرنے پر اتفاق کیا گیا۔
اعلامیہ کے مطابق احسن اقبال نے سی پیک منصوبوں کو مکمل کرنے کے حکومتی عزم کا اعادہ کیا اور کہا کہ سی پیک منصوبوں پرتیزی سے عملدرآمد حکومت کی کامیابی ہے۔ احسن اقبال نے کہا کہ حکومت نے سی پیک کے متعدد منصوبوں کو پایہ تکمیل تک پہنچایا۔ اعلامیہ کے مطابق سی پیک کی 10 سالہ تقریبات کے تحت اسلام آباد میں 2 روزہ بین الاقوامی کانفرنس ہوگی،سی پیک میں شامل پاکستانی اور چینی کمپنیوں کے حکام کو سووینئرز سے نوازا جائے گا۔ اعلامیہ کے مطابق وزارت منصوبہ بندی کی جانب سے خصوصی سکہ بھی تیار کیا گیا ہے۔
