چین میں پاکستانیوں اور مسلم کمیونٹیز کی ایک بڑی تعداد نے چین بھر میں عید الاضحیٰ منائی جبکہ پاکستانیوں کے ایک بڑے اجتماع کا آغاز بیجنگ میں پاکستانی سفارت خانے کی ایمبیسی مسجد میں نماز عید سے ہوا۔
اس سرگرمی میں حصہ لینے والے زبیر بشیر نے گوادر پرو سے گفتگو کرتے ہوئے کہا کہ پاکستانی کمیونٹی کے لیے عید کا جشن بڑی اہمیت کا حامل ہے، چاہے وہ بیرون ملک مقیم ہوں۔ چین اپنی بڑھتی ہوئی پاکستانی آبادی کے ساتھ عید کی خوشیوں کا مرکز بن گیا ہے۔
چین میں رہنے والے پاکستانی عید مناتے ہیں اور اس ثقافتی جشن سے منفرد ثقافتی امتزاج ابھرتا ہے۔ زبیر بشیر نے مزید کہا کہ روایتی رسم و رواج سے لے کر متحرک اجتماعات تک، چین میں پاکستانیوں نے عید کی خوشی کا تجربہ کیا۔
چین میں پاکستانی سفیر معین الحق نے کہا کہ عید قربانی، ہمدردی کی اعلیٰ اقدار پر عمل کرنے کا ایک مناسب وقت ہے۔ انہوں نے مزید کہا کہ جب ہم عید کا تہوار مناتے ہیں تو آئیے ہم غریبوں، بیماروں اور کم مراعات یافتہ لوگوں کے ساتھ اپنی خوشیاں بانٹنا یاد رکھیں۔
احمد زبیر بھی جشن میں شامل ہوئے۔ انہوں نے گوادر پرو کو بتایا کہ وہ اپنے وطن کو یاد کر رہے ہیں کیونکہ ان کے دوست اور رشتہ دار وہاں موجود ہیں لیکن چین میں دوستانہ ماحول کی وجہ سے وہ یہاں بھی عید کا مزہ لیتے ہیں۔
احمد زبیر نے مزید کہامیں عام طور پر مسجد جاتا ہوں اور نماز پڑھتا ہوں۔ اس کے بعد دوستوں کے ساتھ مل کر جانور کی قربانی کرتا ہوں۔ اس سال میں بکرے کی قربانی کر رہا ہوں، کیونکہ یہ دراصل قربانی کا تہوار ہے۔
واضح رہے کہ عید الاضحی کا دن اسلامی قمری کیلنڈر کے بارہویں مہینے کی دسویں تاریخ کو آتا ہے
