گوادر میں جولائی سے جنوری (2022-23)کے دوران صرف کسٹم ڈیوٹی کی مد میںریکارڈ7ارب روپے جمع ہوئے جو اپنے مقررہ ہدف 5ارب سے 2ارب روپے زائد ہے جبکہہر طرح کی کی ڈیوٹیوں اور ٹیکسوں کی مجموعی وصولی 17.5 ارب روپے رہی۔یہ بات کلکٹر ماڈل کسٹمز کلکٹریٹ گوادر رضا دشتی نے بتائی ۔
انہوںنے کہاکہ جولائی تا جنوری (2022-23)کے دوران ہر طرح کی کی ڈیوٹیوں اور ٹیکسوں کی مجموعی وصولی 17.5 ارب روپے رہی جبکہ ماڈل کسٹمز کلکٹریٹ گوادر نے رواں مالی سال کے پہلے چھ ماہ جولائی تا جنوری کے دوران کسٹم ڈیوٹی کی مد میں 5 ارب روپے کے مقرر کردہ ہدف کے مقابلے میں 7 ارب روپے اکٹھے کیے۔انہوںنے کہا کہ پاکستان کسٹمز سرحدوں، بندرگاہوں، ہوائی اڈوں اور شاہراہوں پر فرنٹ لائن پر ہے تاکہ ہمارے ملک کو ممنوعہ اشیاء ، منشیات، کرنسی، شراب، فحاشی وغیرہ کی اسمگلنگ سے محفوظ رکھا جا سکے۔
ہم اپنی صنعت کے تحفظ اور اس وجہ سے روزگار کو محفوظ بنانے کے لیے تجارتی کارگو کی اسمگلنگ سے نمٹنے کے لیے حکومتی پالیسیوں پر عملدرآمد کو یقینی بناتے ہیں۔انہوں نے کہا کہ کسٹمز کا کردار مسلسل ترقی کر رہا ہے اور پاکستان کسٹمز بارڈر مینجمنٹ کی بدلتی ہوئی نوعیت کا جواب دینے میں نمایاں رہا ہے۔
