ایک چینی کمپنی نےOPU-IVF-ET ٹیکنالوجی کی مدد سے ایک اعلیٰ لیکن بوڑھی پاکستانی بھینس کی نسل کو کامیابی سے محفوظ کر لیا ہے اور اس کے جنین سے حمل حاصل کرلیا ہے۔رائل سیل بائیو ٹیکنالوجی (پاکستان) میں بفیلو ایمبریو کے ٹیکنیکل مینیجر ڈاکٹر قیصر شہزاد نے بتایا کہ “ہم نے ‘نیلی راوی’ بھینس سے بیضہ حاصل کیا جوکہ ایک نوجوان بھینس کی دادی تھی جس نے یونیورسٹی آف ایگریکلچر، فیصل آباد میں منعقدہ مقابلے کے دوران 28.3 کلو گرام دودھ دینے کا عالمی ریکارڈ بنایا تھا ” پیداوار نے گوادر پرو کو بتایا۔
ان کا کہنا تھا کہ بھینس نے گزشتہ 4 برس میں بڑھاپے (20 سال) کی وجہ سے اولاد کو جنم نہیں دیا۔ الٹراساو¿نڈ ? گائیڈڈ او پی یو کا استعمال کرتے ہوئے اس بھینس سے 4 بیضے حاصل کئے گئے اور اس کے نتیجے میں 2 ایمبریو پیدا ہوئے۔ ابراہیم ڈیری فارم، فیصل آباد میں ایک جنین کو ایک چھوٹی بھینس میں منتقل کیا گیا اور حمل حاصل کیا گیا۔ اس فارم میں 8 بھینسوں میں ایمبریو منتقل کرنے کے بعد کل 6 حمل ہوئے، جبکہ دیگر فارموں کے نتائج کا انتظار ہے۔
نتائج کی اہمیت پر تبصرہ کرتے ہوئے ڈاکٹر قیصر نے کہا کہ انہوں نے “سپر” بھینس کی نسل کو محفوظ کرلیا ہے۔ “یہ ہمیں عطیہ دہندگان جیسی اعلیٰ خصوصیات کے ساتھ بہت سی بھینسیں پیدا کرنے کے قابل بنائے گا۔ اس کے علاوہ، ایک صحت مند بھینس اپنی زندگی میں 4-5 بچوں کو جنم دے سکتی ہے۔ تاہم،
OPU-IVF-ET
کی مدد سے ہم دوبارہ ایک سال میں تقریباً 15 بچھڑے پیدا کرنے کے قابل ہیں اس سے اعلیٰ نسل کے جانوروں کی آبادی میں اضافہ ہوگا اور ساتھ ہی دودھ کی پیداوار بڑھانے میں مدد ملے گی۔
تکنیک میں اعلیٰ نسل کی بھینس (یا دوسرے جانوروں) سے بیضت کے خلیات حاصل کرنا اور جنین کو دوسری بھینسوں میں منتقل کرنا شامل ہے۔
