گوادر ٹرانس شپمنٹ مہم کو مزید فروغ دینے کے لیے گوادر پورٹ پر 34 ہزار ٹن ڈی اے پی کھاد سے بھرا ایک میگا جہاز پہنچ گیا ہے جسے پاک افغانستان ٹرانزٹ ٹریڈ معاہدے کے تحت پروسیس کرکے افغانستان بھیجا جائے گا۔34 ہزار ٹن ڈی اے پی کھادسے بھرا ہوا جہاز گوادر فری زون کے علاقے میں رجسٹرڈ دو نجی اداروںکے مشترکہ منصوبے کے ذریعے درآمدکیا گیا ۔
یہ 2023 میں افغانستان کو فراہم کی جانے والی دوسری کھیپ ہے۔ آخری بار رواں سال کے دوران نجی شعبے کی جانب سے 20 ہزار ٹن ڈی اے پی کھاد کی کھیپ 31 مئی 2023 کو گوادر پورٹ سے افغانستان بھیجی گئی تھی۔ماہر اقتصادیات شاہد حسین نے بتایا کہ جب چین، افغانستان اور دیگر وسطی ایشیائی معیشتیں زمینی راستوں کے ذریعے گوادر سے منسلک ہوں تو پاکستان ٹرانس شپمنٹ کی اپنی حقیقی صلاحیت تک پہنچ سکتا ہے۔